لە سنووری گەرمیان پڕۆژەیەکی ئاوی خواردنەوە بۆ چەند گوندێک جێبەجێ دەکرێت

ئاڤا نیوز 

 

لەسەر بودجەی وەزارەتی شارەوانی و گەشتوگوزاری حکومەتی هەرێمی کوردستان پرۆژەیەکی ڕاکێشانی ئاوی خواردنەوە لە سنووری گەرمیان جێبەجێ دەکرێت.

 

ڕاگەیێنراوی فەرمی: بەگوێرەی ڕاگەیێنراوی وەزارەتی شارەوانی و گەشتوگوزاری حكومەتی هەرێمی كوردستان، لەسەر بودجەی وەزارەتەکە پڕۆژەیەكی ڕاكێشانی بۆریی ئاوی خواردنەوە لە گوندی چیا سورخەوە بۆ گوندەكانی شێخ فەیزوڵڵا و بەردی عەلی سەروو و خواروو، بە گوژمەی 389 ملیۆن دینار لە سنووری ئیدارەی گەرمیان جێبەجێ دەكرێت.

 

لێدوانیی فەرمی: نەوزاد حەمید ئەحمەد، بەڕێوەبەری ئاو و ئاوەڕۆی گەرمیان بە ئاڤا نیوزی ڕاگەیاند: مەبەست لە پرۆژەکە گەڕاندنەوەی ئاوەدانیی زیاترە بۆ گوندەکان، چونکە ئێستا چەند ماڵێکی کەم لەم گوندانە هەن، پێشتریش خزمەتگوزارییەکانی کارەبا و ڕێگەوبان پێشکەش بە گوندەکان کراون.

 

ئەمەش بزانە: ئەو پڕۆژەیە لە ڕێككەوتی 25-9-2024 دەستیپێكردووە و ماوەی جێبەجێكردنی 150 ڕۆژی بۆ دیاریكراوە، هاوکات تاوەكو ئێستا 47%ی كارەكانی تەواو كراوە.