ترەمپ، مارکۆ ڕۆبیۆ وەک وەزیری دەرەوەی ئەمریکا دیاری دەکات

ئاڤا نیوز

 

پێشبینی دەکرێت دۆناڵد ترەمپ، سەرۆکی نوێی ئەمریکا مارکۆ رۆبیۆ، سیناتۆری ویلایەتی فلۆریدا وەک وەزیری دەرەوەی وڵاتەکەی کاندید بکات، بەگوێرەی هەواڵێکی نیۆرک تایمزی ئەمریکی.

 

ئەوەی لە بارەیەوە دەگوترێت: ڕۆژنامەکە لە زاری سێ کەسەوە ڕایگەیاندووە، کە بڕیارەکە کۆتایی نییە، بەڵام پێدەچێت ترەمپ لەسەر ناوی ڕوبیۆ یەکلایی بووەتەوە، پێشووتریش لە لیستی کاندیدەکانی ترەمپ بووە بۆ پۆستی جێگری سەرۆک.

 

زانیاریی زیاتر: لەماوەی هەفتەی ڕابردوو چەندین جار ناوی ڕوبیۆ ئاماژەی پێکراوە، وەک  یەکێک لەو کاندیدانەی کە ئەگەری زۆرە بۆ سەرکردایەتیکردنی دیپلۆماسی ئەمریکا، لەگەڵ ڕیک گرێنێل باڵیۆزی پێشووی ئەڵمانیا.

 

باکگراوند: ڕوبیۆ لە کۆچبەرانی کوبا لە میامی لەدایکبووە و لە زانکۆی فلۆریدا زانستە سیاسییەکانی خوێندووە و لە ساڵی 1993دا دەرچووە. لە ساڵی 2010 ڕوبیۆ بە پاڵپشتی پارتی چای بۆ ئەنجوومەنی پیران هەڵبژێردراوە .