وەزیری دەرەوەی ئەمریكا سەردانی برۆكسل دەكات

ئاڤا نیوز

 

بۆ زیادكردنی هاووكارییەكانی ئەوروپا و ئەمریكا بۆ ئۆكراینا بڕیارە ڕۆژی چوارشەممە، وەزیری دەرەوەی ئەمریكا سەردانی برۆكسلی پایتەختی بەلجیكا بكات.

 

وێنە گەورەكە: كابینەكەی جۆ بایدن لە كۆتایی تەمەنیدایە، بەنیازە ئەو هاوكارییانەی كە بڕیاری لێدرابوو بۆ ئۆكراینا خێراتر بکرێ و پێش كۆتایی هاتنی كابینەكەی بگەیەنرێنە دەست ئۆكراینا، بۆ ئەو مەبەستەش وەزیری دەرەوەی وڵاتەكە چەند جارێك سەردانی ئەوروپای كردووە.

 

لێدوانی فەرمی: بەگوێرەی بەیاننامەیەکی وەزارەتی دەرەوەی ئەمریکا، ئەنتۆنی بلینکن، وەزیری دەرەوەی ئەمریکا، سبەی چوارشەممە سەردانی برۆکسل دەکات و گفتوگۆی خێرا لەگەڵ ئەوروپییەکان دەکات بۆ خێراترکردنی ئەو هاوکارییانەی کە ئاراستەی ئۆکراینا دەکرێن.

ئەمەش بزانە: ئەم سەردانەی ئەنتۆنی بلینكن بەشێوەیەكی كتوپڕە و پێشتر ڕانەگەیەنرابوو، لەكاتێكیشدایە كە سەرۆكی هەڵبژێردراوی ئەمریكا هەڕەشەی بڕینی هاووكارییەكانی وڵاتەكەی دەكات بۆ ئۆكراینا.