بە ئامادەبوونی سەرۆک بارزانی یەکەی 80 کۆتایی بە خولێکی مەشق و ڕاهێنان هێنا

ئاڤا نیوز

بە ئامادەبوونی سەرۆک بارزانی لە هەولێر ڕێوڕەسمی کۆتایی خولی  16ـی هێزەکانی سەر بە فەرماندەی یەکەی 80 بەڕێوەچوو، ئەمەش ئامادەکارییە بۆ گواستنەوەی هێزەکە بۆ سەر وەزارەتی پێشمەرگە.

وێنە گەورەکە: دەبێت پەیکەری وەزارەتی پێشمەرگە لە 11 فیرقە پێکبێت، ئەو فیرقانەش لە یەکگرتنەوەی هێزەکانی یەکەی 80 و 70 پێکدەهێنرێن، تاوەکو ئێستاش چوار فیرقە پێکهێنراون. فەرماندەیی هێزەکانی 80 وەک ئامادەکارییەک بەردەوام خولی مەشق و ڕاهێنان بە هێزەکانی دەکات، بەمەبەستی گواستنەوەیان بۆ سەر فیرقەکانی وەزارەتی پێشمەرگە.

زانیاریی بەدەستهاتوو: لە بنکە مەشقی پیادەی هەولێر بە ئامادەبوونی سەرۆک مەسعوود بارزانی، ڕێوڕەسمی  کۆتایی خولی 16ـی هێزەکانی یەکەی 80 بەڕێوەچوو، کە بۆ ماوەی سێ مانگ مەشق و ڕاهێنان بە هێزەکانی سەر بەو فەرماندەیە کراوە.

ئەوەی پێویستە بیزانیت: یەکخستنەوەی هێزەکانی پێشمەرگە یەکێک لە خاڵە سەرەکییەکانی کارنامەی پارتییە بۆ پێکهێنانی کابینەی دەیەمی حکومەتی هەرێمی کوردستان.