سەرۆکوەزیرانی فەڵەستین دەست لە کار دەکێشێتەوە

 

ئاڤا نیوز 

محەممەد ئەشتیە، سەرۆکوەزیرانی فەڵەستین، دەستلەکارکێشانەوەی پێشکەشی مەحموود عەباس، سەرۆکی دەسەڵاتدارێتیی فەڵەستین کرد.

 

وێنە گەورەكە: بەهۆی ئاڵۆزییەكانی كەرتی غەززە و بەردەوامی شەڕ، ئەمڕۆ محەممەد ئەشتیە، سەرۆكوەزیرانی فەڵەستین دەستلەكاركێشانەوەی خۆی ڕادەستی مەحموود عەباس، سەرۆكی دەسەڵاتدارێتیی فەڵەستین كرد.

 

لێدوانی فەرمی: محەممەد ئەشتیە، لە كۆنگرەیەكی ڕۆژنامەوانیدا گوتی: دەستلەكاركێشانەوەكەم لەبەردەم مەحموود عەباسدایە و  قۆناغی داهاتوو بریتییە لە ڕێكخستنی دەسەڵات، ئێمە تاوەکو دامەزراندنی دەوڵەتی فەڵەستین ڕووبەڕووی ئیسرائیل دەبینەوە.

 

ئەوەی چاوەڕوان دەکرێت: بەپێی سەرچاوە میدیاییەکان، "بڕیارە محەممەد مستەفا، سەرۆکی سندووقی دەستەی وەبەرهێنانی فەڵەستین، شوێنەکەی بگرێتەوە". 

 

ئەوەی لەبارەیەوە دەگوترێت: دەستلەکارکێشانەوەی حکومەتی ئەشتیە وەک ئامادەکارییەک بۆ پێکهێنانی حکومەتێکی تەکنۆکراتی (ناسیاسی) بۆ بەڕێوەبردنی کەرتی غەززەیە، بەو پێیەی پرەنسیپی پێکهێنانی حکومەتێکی تەکنۆکرات لەسەر مێزی ئەنجوومەنی وەزیران ماوەتەوە.