مەزڵوم عەبدی: ڕووخانی ئەسەد ساتەوەختێکی مێژووییە بۆ سووریا

ئاڤا نیوز

 

دوای 11 ڕۆژ لە ئۆپەراسیۆنی سەربازیی هێزەکانی ئۆپۆزیسیۆن بۆ سەر ناوچەکانی ژێردەسەڵاتی بەشار ئەسەد، توانرا کۆتایی بە ڕژێمی ئەسەد لە سووریا بهێنن، بەوهۆیەشەوە فەرماندەی هێزەکانی سووریای دیموکرات پەیامێکی بڵاوکردەوە.

 
ڕاگەیێنراوی فەرمی: مەزڵووم عەبدی، فەرماندەی گشتیی هێزەکانی سووریای دیموکرات 'هەسەدە' دوای کۆنترۆڵکردنی دیمەشقی پایتەختی سووریا لەلایەن چەکدارانی تەحریرولشام ڕایگەیاند: ئەمە ساتە وەختێکی مێژووییە بۆ سووریا و دەرفەتێکە بۆ دروستکردنی گۆڕانکاری و بونیادنانی سووریایەکی نوێ.

- لەسەر بنەمای دیموکراسی، دادپەروەری و پاراستنی مافەکانی گەلی سووریا سیستمێکی نوێ بونیاد دەنێین.

 

باکگراوند: لە 27ـی مانگی ڕابردووەوە، گرووپە چەکدارەکانی ئۆپۆزیسیۆنی سووریا هێرشی بەرفراوانیان کردە سەر شارەکانی ئیدلب و حەلەب و لە ماوەیەکی کەمدا توانییان ئەو ناوچانە کۆنترۆڵ بکەن، لە ماوەی 24 کاتژمێری ڕابردوودا شارەکانی، دەرعا، قونەیترە، سوەیدا و حومس، لەژێر چنگی ڕژێمی ئەسەد دەرهێنرا، دواجار دیمەشقی پایتەخت کەوتە دەست ئۆپۆزسیۆن.