ئیسرائیل بەرپرسێكی حیزبوڵڵای كردە ئامانج

ئاڤا نیوز

فڕۆکەکانی ئیسرائیل حەسەن حوسێن سەلامیی، بەرپرسی ناوچەی " حەجیر"ی سەر بە حیزبووڵای لە لوبنان کردە ئامانج.

بۆچی گرنگە: بەهۆی شەڕی نێوان حەماس و ئیسرائیل، ناوچەکە بەدۆخێکی ئاڵۆزدا تێدەپەڕێت و ئاگری شەڕەکە تادێت بەناوچەکەدا زیاتر بڵاودەبێتەوە.

چیرۆکی سەرەکیی: ئۆتۆمبێلی بەرپرسێکی حیزبووڵڵا لە ناوچەی ئەلمەجادلی نزیک شاری "سوەڕ"ی باشووری لوبنان لەلایەن فڕۆکەکانی ئیسرائیلەوە بۆردوومانکرا.

زانیاريی زیاتر: حەسەن حوسێن سەلامیی، لە ساڵی 1947 لە دایک بووە و بەرپرسی بەشی رۆژئاوای حیزبوڵڵایە.

ڕاگەیێنراوی فەرمیی: سوپای ئیسرائیل ڕایگەیاند: حەسەن حوسێن سەلامیین بەرپرسی ناوچەی " حەجیر"ی سەر بە حیزبووڵای لە لوبنان کردە ئامانج.

بۆچوونی لایەنی بەرامبەر: حیزبوڵڵای لوبنانی هەواڵەکەی پشتڕاستکردەوە و ڕایگەیاند: ئەندامێکمان بە ناوی حەسەن حوسێن سەلامیی، بەرپرسی بەشی ڕۆژئاوای حیزبووڵڵا لە بۆردوومانێکی فڕۆکەکانی ئیسرائیل کوژرا.

باکگراوند: لە بەردەوامی شەڕو پێکدادانەکانی ئیسرائیل و حیزبووڵڵا، تاوەکو ئێستا 280 کەس لە لوبنان گیانیان لەدەستداوە کە 193 چەکداری حیزبوڵڵا و 44 کەسی سڤیل بوون،  زیاتر لە 89 هەزار  کەسیش ئاوارە بوون.