دەم پارتی: کشانەوەی بەربژێرەکەمان لە ئیزمیت پەیوەندی بە جەهەپەوە نییە

ئاڤا نیوز

 

دوای ئەوەی بەربژێری دەمپارتی بۆ شارەوانیی ئیزمیت لە هەڵبژاردنەکان کشایەوە، ئەو پارتە دەنگۆی بە ئەنقەست کشانەوەی بەربژێرەکەیانی ڕەتکردەوە.

 

ئەوەی لەبارەیەوە دەگوترێت: هاوسەرۆکانی دەم پارتی، دەمیر کایەی بەربژێریان لە بەرژەوەندیی جەهەپە لە شارەوانیی ئیزمیت کشاندووەتەوە بۆ ئەوەی فاتمە کەپڵان، بەربژێری جەهەپە لەو شارە براوە بێت.

 

ڕاگەیێنراوی فەرمی: پارتی یەکسانی و دیموکراسیی گەلان (دەم پارتی) ڕایگەیاند: "ئەو بەربژێرەمان خۆی داواکاری دەست لەکار کێشانەوەی پێشکەشکردووە و ئێمەش قبووڵمان کردووە. هیچ رێکكەوتنێک بەمەبەستی پاڵپشتیکردن لە جەهەپە لە ئارادا نییە".

 

ئەوەی پێویستە بیزانیت: لە 27ـی شووباتدا، پارێزەر جەنسەر دەمیرکایا، بەربژێری شارەوانیی دەم پارتی لە ئیزمیت دەستی لەکار کێشایەوە و ئەمەش دەنگۆی ڕێكکەوتنی ژێر بە ژێری لەنێوان دەم پارتی و جەهەپە دروست کرد. 

 

باکگراوند: بریارە 31ـی ئاداری ئەمساڵ بە بەشداری 36 پارتی جیاواز، هەڵبژاردنەکانی شارەوانی لە باکووری کوردستان و تورکیا بەڕێوەبچێت.