لە دیاله چەندین پارچە شوێنەوار دەستی بەسەردا گیرا

ئاڤا نیوز

لە سنووری پارێزگای دیاله ژمارەیەک پارچە شوێنەوار دەستیان بەسەردا گیرا و چەند بازرگانێکی پارچە شوێنەواریش  دەستگیرکران.

وێنە گەورەکە: دوای چاودێریکردن و کۆکردنەوەی زانیاری و ئەنجامدانی لێکۆڵینەوە، هێزەکانی پۆلیسی  دیاله، لە پێنج چالاکیی جیاوازدا، ژمارەیەک تۆمەتباری شوێنەواری دەستگیرکرد و دەستیشی بەسەر چەندین پارچە شوێنەوارەوە گرت.

لێدوانی فەرمی: عومەر کەرەویی، سەرۆکی ئەنجوومەنی پارێزگای دیالە ڕایگەیاند:

- بە پشتبەستن بەزانیاری پێشوەختە هێزە ئەمنییەکانی پارێزگای دیاله لە قەزای خانەقین، دەستیان بەسەر دەیان سکە و مۆری شوێنەواری گرت و چەند تۆمەتبارێکیشیان دەستگیرکرد کە تێوەگلابوون بە بازرگانیکردن بە پارچە شوێنەوارەوە.
 
- لایەنە ئەمنییەکانی پارێزگای دیاله بە دەزگاکانی هەواڵگریشەوە هەوڵەکانیان بۆ کۆتاییهێنان بە دۆسییەی بازرگانی بە پارچە شوێنەوارییەکانەوە چڕ کردووەتەوە کە لەم ساڵانەی دوواییدا لەپارێزگای دیاله بەشێوەیەکی بەرچاو سەری هەڵداوە.