سەرۆک بارزانی بە بۆنەی هاتنەوەی مانگی پیرۆزی ڕەمەزان پەیامێکی بڵاوکردەوە

ئاڤا نیوز

 

سەرۆک بارزانی بە بۆنەی هاتنەوەی مانگی پیرۆزی ڕەمەزان پەیامێکی ئاراستەی موسڵمانانی هەرێمی کوردستان و جیهان کرد.

 

چیرۆکی سەرەکی: ئێوارەی ئەمڕۆ هەینی 2025-02-28، وەزیری ئەوقاف و کاروباری ئایینی هەرێمی کوردستان لە کۆنگرەیەکی ڕۆژنامەوانیدا، بە پشتبەستن بە لیژنەی باڵای بینینی مانگ، سبەی شەممەی وەک یەکەمین ڕۆژی مانگی ڕەمەزان لە هەرێمی کوردستان دیارکرد.

 

ڕاگەیێنراوی فەرمی: سەرۆک مەسعود بارزانی بەبۆنەی هاتنەوەی مانگی ڕەمەزان پەیامێکی بڵاوکردەوە و تێیدا هاتووە: "بەبۆنەی هاتنەوەی مانگی پیرۆزی (ڕەمەزان)ـەوە پیرۆزبایی خۆم ئاراستەی سەرجەم موسڵمانانی کوردستان و عێراق و جیهان دەکەم". 

لە خودای مەزن داواکارم ڕۆژوو و نوێژ و نزای هەمووان قبووڵ بکات و ئەو مانگە پیرۆزە خێر و بەرەکەت و ئارامی بۆ هەموو لایەک بەدی بهێنێت.