ترەمپ هەڕەشەی لە ناوبردنی تەواوی حووسییەکان دەکات

ئاڤا نیوز

سەرۆکی ئەمریکا بەڵێنی لەناوبردنی تەواوی حووسییەکانی یەمەنی دا و هۆشداری بە ئێران دا لە پاڵپشتیکردنی ئەو گرووپە چەکدارە.

وێنە گەورەکە: ڕۆژی شەممە 2025-03-15، دۆناڵد ترەمپ، سەرۆکی ئەمریکا،  فەرمانی دەستپێکردنی ئۆپەراسیۆنێکی بەرفراوانی دژی حووسییەکانی یەمەن دا و تا ئێستا زیاتر لە 53 کەس کوژراون و دەیانی دیکەش برینداربوون.

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند: بەهۆی هێرشە ئاسمانییەکانی سوپای ئەمریکا زیانێکی زۆر بەر حووسییەکان کەوتووە، گوتیشی، هێرشە ئاسمانییەکانی ئەمریکا بۆ سەر پێگەکانیان بەردەوام دەبن تاوەکو لەناوبردنیان.

لە لایەکی دیکەوە: ترەمپ هۆشداری بە ئێران دا لە پشتیوانیکردنی زیاتری حووسییەکان و چەکدارکردنی ئەو گرووپە.

باکگراوند: حووسییەکان لە ساڵی  2023ـەوە لەدوای دەستپێکی جەنگی نێوان ئیسرائیل و حەماس، وەکو پشتگریێک بۆ غەززە، بە مووشەک زیاتر لە دەیان جار کەشتیی سەربازی و بازرگانی  ئەمریکا و ئیسرائیلیان لە  دەریای سووریان کردووەتە ئامانج.