نرخی نەوتی عێراق بەرز دەبێتەوە

ئاڤا نیوز

ئەمڕۆ چوارشەممە، نرخی نەوتی عێراق بەشێوەیەکی بەرچاو بەرزبووەوە و نرخی هەر بەرمیلێک لە بازاڕەکانی جیهاندا 73 دۆلاری تێپەڕاند.

ژمارەکان وا دەڵێن: نەوتی خاوی بەسرەی مامناوەند 73.39 دۆلار بۆ هەر بەرمیلێک تۆمارکراوە بەڕێژەی 0.64% بەرزبووەوە، لە کاتێکدا نەوتی خاوی قورس 70.34 دۆلار بۆ هەر بەرمیلێک تۆمارکراوە، بەڕێژەی 0.67% بەرزبووەوە.

لە لایەکی دیکەوە: نرخی نەوتی خاو لەسەر ئاستی جیهانی بەرز بووەتەوە، نرخی بەرمیلێک نەوتی خاوی برێنتی بەریتانی گەیشتووەتە 73.21 دۆلار کە 19 سەنت بەرزبووەوە، هاوکات نەوتی خاوی ئەمریکای ڕۆژئاوای تەکساس مامناوەند گەیشتووەتە 69.20 دۆلار بۆ هەر بەرمیلێک و 20 سەنت بەرزبووەوە.