ئەمریکا ژمارەی سەربازەکانی لە سووریا کەم دەکاتەوە

ئاڤا نیوز

ئەمریکا بە نیازە 600 سەربازی خۆی لە سووریا بکشێنێتەوە و بەم پێیە کەمتر لە هەزار سەربازی لەو وڵاتە دەهێڵێتەوە.

ڕاگەیێنراوی فەرمی: بە گوێرەی ئاژانسە میدیاییەکانی ئەمریکا کە لە زاری بەرپرسانی ئەمریکاوە گواستوویانەتەوە، ئەرکی ئەو هێزانەی ئەمریکا کە لە سووریا دەمێننەوە هاوکاریکردنی هێزە کوردییەکانە لە ڕووبەڕووبوونەوەی داعش.

ئەوەی پیویستە بیزانیت: دۆناڵد ترەمپ، سەرۆکی ئەمریکا، لە خولی یەکەمی سەرۆکایەتییەکەیدا هەوڵی دا هەموو هێزەکانی ئەمریکا لە سووریا بکشێنێتەوە، بەڵام ڕووبەڕووی بەرهەڵستی پێنتاگۆن بوویەوە، بەوەی ئەم هەنگاوە وەک وازهێنان لە هاوپەیمانان سەیر دەکرا. 

ئەمەش بزانە: لە دوای ئۆکتۆبەری 2023ـەوە و بە هۆی شەڕی نێوان ئیسرائیل و حەماسەوە، ئەمریکا ژمارەی هێزەکانی لە سووریا بۆ سەروو دوو هەزار سەرباز زیاتر کرد. ئێستا ترەمپ، دەیەوێت هێزەکانی لە سووریا کەمتر بکاتەوە.