ئەنجامی تاقیکردنەوەی دیاریکردنی توانستی زمانی ئینگلیزی ڕادەگەیێنرێت

ئاڤا نیوز

 

هەفتەی ڕابردوو زیاتر لە سێ هەزار فێرخواز بەشداری تاقیکردنەوەی توانستی زمانی ئینگلیزییان لە سەنتەرەکانی زمان کردووە و بڕیارە ئەمڕۆ ئەنجامەکان رابگەیێنرێت.

 

ڕاگەیێنراوی فەرمی: وەزارەتی خوێندنی باڵا و توێژینەوەی زانستی ڕایگەیاند، بە بەشداریی سێ هەزار و  576خوازیار، تاقیکردنەوەی توانستی ئینگلیزی Placement test لە سەنتەری زمانی زانکۆ حکومییەکانی هەرێمی کوردستان کراوە. 

 

زانیاریی زیاتر: تاقیکردنەوەی دیاریکردنی ئاستی زمانی ئینگلیزی لە 14 سەنتەر کراوە و بۆماوەی چوار ڕۆژ بەردەوام بووە، بڕیارە ئەم هەفتەیە ئەنجامەکان ڕابگەیەنرێت و پڕۆسەی ناونووسین و پێشکەشکردن بۆ خولەکان دەستپێبکات. 

 

ئەوەی پێویستە بیزانیت: ئامانج لە ئەنجامدانی ئەو تاقیکردنەوەیان دیارکردنی ئاستی زمانە بۆ بەدەستهێنانی نازناوی زانستی و بەدەستهێنانی بڕوانامەی خوێندنی باڵا و ماستەر و دکتۆرا لە زانکۆکانی هەرێمی کوردستان.