مەسرور بارزانی: سری سورەییا خەباتکارێکی ناسراوی پرۆسەی ئاشتی بوو لە تورکیا

ئاڤا نیوز

سەرۆکوەزیران مەسرور بارزانی پەیامێکی لەبارەی کۆچی دوایی سری سورەییا ئۆندەر بڵاوکردەو و ڕایگەیاند، ئۆندەر خەباتکارێکی ناسراوی پرۆسەی ئاشتی بوو لە تورکیا.

چیرۆکی سەرەکی: ئەمڕۆ شەممە 3-5-2025، سەرۆکوەزیران مەسرور بارزانی، پەیامێکی لەبارەی کۆچی دوایی سری سورەییا ئۆندەر، بریکاری سەرۆکی پەرلەمانی تورکیا و پەرلەمانتاری دیاری دەم پارتی بڵاوکردەوە.

پەیامی فەرمی: لە پەیامی سەرۆکوەزیران مەسرور بارزانیدا هاتووە: بۆ کۆچی دوایی سیاسەتڤانی ناسراو و پەرلەمانتاری دیاری دەم پارتی و بريكاری سەرۆکی پەرلەمانی تورکیا (سری سورەییا ئۆندەر)، پرسە و سەرەخۆشی لە بنەماڵە بەڕێزەکەی و دۆست و هەڤاڵەکانی دەکەم و هاوخەمیانم. 

- سورەییا، دۆستی دێرینی گەلی کورد و خەباتکارێکی ناسراوی پرۆسەی ئاشتی بوو لە تورکیا و ڕۆڵيکی کارا و لەبیرنەکراوی لە بەهێزکردنی برایەتی و تەبایی نێوان هەردوو گەلی کورد و تورک گێڕا. خوای مەزن گیانی بە بەهەشت شاد بکات و ئارامی و دڵنەوایی بە هەموولایەک ببەخشێت.