پەرلەمانی عێراق دەکەوێتە پشووەوە

ئاڤا نیوز

سەرۆکایەتی پەرلەمانی عێراق کۆتاییهاتنی وەرزی یەکەمی یاسادانانی لە ساڵی چوارەمی ئەم خولەی پەرلەمان ڕاگەیاند، بەوهۆیەش بۆ چەند مانگێک دەکەوێتە پشووەوە.

وێنە گەورەکە: پەرلەمانی عێراق دوو وەرزی یاسادانانی هەیە کە ماوەکەیان هەشت مانگە، وەرزی یەکەم یەکی ئازار تا 30ـی حوزەیران دەبێت، وەرزی دووەمیش لە یەکی ئەیلوول دەستپێدەکات تاوەکو 31ـی کانوونی یەکەم، هیچ وەرزێکی یاسادانان کۆتایی نایەت ئەگەر گفتوگۆی یاسای بودجەی تێدا بکرێت و دەبێت پەرلەمان پەسەندی بکات ئەو کاتە بچێتە پشووەوە.

ڕاگەیێنراوی فەرمی: سەرۆکایەتی پەرلەمانی عێراق بڵاویکردەوە، پاڵپشت بە ماددەی 22 لە پەیڕەوی ناوخۆ، کۆتاییهاتنی وەرزی یەکەمی یاسادانان لە ساڵی چوارەم- خولی پێنجەمی پەرلەمان لە ڕۆژی هەینیی 9ـی ئایاردا ڕادەگەیێنن.

ئەو مانایەی دەیگەیێنێت: پەرلەمان لە ماوەی نێوان وەرزەکانی یاسادانان هیچ کۆبوونەوەیەک ناکات، لەکاتی ڕەوانەکردنی یاسای بودجەش لەلایەن حکومەتەوە، کۆبوونەوەی نائاسایی ئەنجام دەدات و یاساکە پەسەند دەکات.