ئەمریکا دەست بە جێبەجێکردنی بڕیاری هەڵگرتنی سزاکانی سەر سووریا دەکات

ئاڤا نیوز

 

دوای ئەوەی سەرۆکی ئەمریکا بڕیاری هەڵگرتنی سزاکانی سەر سووریای دا، ئەمڕۆ دەست بە جێبەجێکردنی بڕیارەکە دەکرێت.

 

وێنە گەورەکە: ڕێککەوتنی 2025-05-13، دۆناڵد ترەمپ، سەرۆکی ئەمریکا لەمیانی سەردانەی بۆ سعودیە، سزاکانی سەر سووریای هەڵگرت و وەک دەرفەتێک بۆ ئاوەدانکردنەوە و بوژاندنەوەی وڵاتەکە بە سەرکردایەتیی نوێی دیمەشق دانا.

 

زانیاریی بەدەستهاتوو: سێ بەرپرسی ئەمریکی پشتڕاستیان کردەوە، کە ئیدارەی ترەمپ دەستی کردووە بە پێداچوونەوەی تەکنیکی بۆ ئەو  سزایانەی کە بەسەر دیمەشقدا سەپێنراون، وەک ئامادەکارییەک بۆ هەڵگرتنی سزاکان، ڕوونیشیان کردەوە کە وەزارەتی خەزێنەی ئەمەریکا تا ئەو کاتەی سزاکان هەڵدەگیرێن چاودێریی حکومەتی نوێی  سووریا دەکات.

 

چی ڕوویدا: ئەو کاتەی لە سعودیە بڕیاری هەڵگرتنی سزاکانی سەر سووریای دا، سەرۆکی ئەمریکا گوتی، بڕیاری هەڵگرتنی سزاکان لەسەر داوای محەمەد بن سەلمان، شازادەی جێنشینی سعودیە بووە و بۆ پێدانی دەرفەتێکی نوێ و سەقامگیری وڵاتەکەیە.

 

ئەمەش بزانە: ڕێککەوتی 14ـی 5ـی 2025، دۆناڵد ترەمپ لەسەر داواکاری محەمەد بن سەلمان، شازادەی جێنشینی سعودیە لەگەڵ ئەحمەد شەرع، سەرۆکی سووریا کۆبووەوە. هاوکات ڕەجەب تەیب ئەردۆغان، سەرۆککۆماری تورکیا لە ڕێگەی تەلەفۆنەوە بەشداری لە کۆبوونەوەکەدا کرد.