تەقینەوەیەک لە پاڵاوگەی بێجی ڕوویدا

ئاڤا نیوز

 

تەقینەوەیەک لە کورەی یەکەی 109 لە ناو پاڵاوگەی بێجی لە پارێزگای سەڵاحەددین ڕوویدا و سێ کەس بەهۆیەوە برینداربوون. 

 

زانیاریی بەدەستهاتوو: بەگوێرەی ئەو زانیارییانەی کە میدیا عێراقییەکان ئەمڕۆ یەکشەممە بڵاویان کردووەتەوە، تەقینەوەیەکی گەورە لە ناو "یەکەی فڕنی 109" لە پاڵاوگەی نەوتی بێجی سەر بە پارێزگای سەڵاحەددین ڕوویداوە، ئاگر و دووکەڵێکی زۆری بەدوای خۆیدا هێنا.

 

زانیاریی زیاتر: تیمەکانی ئاگرکوژێنەوە بەپەلە گەیشتوونەتە شوێنی تەقینەوەکە بۆ کۆنترۆڵکردنی ئاگرەکە و ئێستا ئاگرەکە کۆنترۆڵکراوە. 

 

ئەمەش بزانە: بەگوێرەی زانیارییە سەرەتاییەکان تاوەکو ئێستا سێ کارمەندی نێو پاڵاوگەکە برینداربوون و ژمارەیەکی دیکەش بەهۆی زۆری دوکەڵەوە تووشی تەنگەنەفەسی بوون و ڕەوانەی نەخۆشخانەی فریاکەوتن کراون.