پزیشکیان:  خۆشگوزەرانی عێراق لە خۆشگوزەرانی ئێرانەوە سەرچاوە دەگرێت

ئاڤا نیوز

سەرۆککۆماری ئێران و جێگری سەرۆکوەزیران و وەزیری دەرەوەی عێراق جەختیان لە پەیوەندییەکانی نێوان ئێران و عێراق کردەوە. پزیشکیان ڕایگەیاند، خۆشگوزەرانی عێراق لە خۆشگوزەرانی ئێرانەوە سەرچاوە دەگرێت.

چیرۆکی سەرەکی: لە پەراوێزی بەشداریکردنی لە لووتکەی "گفتوگۆی تاران"، ئەمڕۆ فوئاد حوسێن، جێگری سەرۆکوەزیران و وەزیری دەرەوەی عێراق و شاندی یاوەری سەردانی کۆشکی سەرۆکایەتیی ئێرانیان کرد و لەلایەن مەسعوود پزیشکیان، سەرۆککۆماری ئەو وڵاتەوە پێشوازییان لێکرا.

ڕاگەیێنراوی فەرمی: بەگوێرەی ڕاگەیێنراوی وەزارەتی دەرەوەی عێراق، فوئاد حوسێن لە کۆبوونەوەکەدا، پاڵپشتی عێراقی بۆ دانوستانەکانی نێوان ئەمریکا و ئێران دووپاتکردەوە،  بەو هیوایەی ڕۆڵی لە هەڵگرتنی سزاکانی سەر ئێران هەبێت.

لەبەشێکی دیکەی دیدارەکەدا پرسی هەناردەکردنی گاز و هاوردەکردنی کارەبا لە ئێرانەوە و ئاڵنگارییەکانی بەردەم ئەو پرسانەیان تاوتوێ کرد.

لەلایەکی دیکەوە: پزیشکیان جەختی لە پەیوەندییەکانی نێوان هەردوو وڵات کردەوە و گوتی: خۆشگوزەرانی عێراق لە خۆشگوزەرانی ئێرانەوە سەرچاوە دەگرێت.