لە عێراق لە مانگێکدا زیاتر لە پێنج هەزار و 500 حاڵەتی جیابوونەوە تۆمار دەکرێت

ئاڤا نیوز

بەگوێرەی داتاکانی ئەنجوومەنی باڵای دادوەری، تەنیا لە ماوەی مانگی نیسانی ئەمساڵ زیاتر لە پێنج هەزار 500 حاڵەتی جیابوونەوە لە دادگاکانی عێراق تۆمار کراون.

بڵاوکراوەی فەرمی: بەگوێرەی داتاکانی ئەنجوومەنی باڵای دادوەریی بۆ حاڵەتەکانی هاوسەرگیری و جیابوونەوە بۆ مانگی نیسانی ئەمساڵ، 28 هەزار و 853 گرێبەستی هاوسەرگیری لە دادگاکان تۆمارکراون، هاوکات هەر لەو ماوەیەدا پێنج هەزار و 665 حاڵەتی جیابوونەوەش تۆمار کراوە.

ئەوەی پێویستە بیزانیت: بەگوێرەی داتاکانی ئەنجوومەنی باڵای دادوەریی عێراق، بەغدا، نەجەف، بەسرە و نەینەوا لە ڕیزی پێشەوە دێن لە تۆمارکردنی بەرزترین ڕێژەی گرێبەستی هاوسەرگیری. لە هەمان کاتدا ئەنبار، نەینەوا، بەغدا و بەسرە لە ڕیزی پێشەوە دێن لە تۆمارکردنی بەرزترین ڕێژەی جیابوونەوە.

هۆکارە زانراوەکان: بەپێی پۆلێنبەندی ناوەندی ستراتیژی بۆ مافەکانی مرۆڤ، دیارترین هۆکارەکانی جیابوونەوە بریتین لە: کەمی ڕۆشنبیری خێزانی، لێکتێنەگەیشتن، تووندوتیژیی خێزانی، دەستوەردانی کەسوکار، بەشوودانی پێشوەختە، دۆخی دارایی، خیانەتی هاوسەرگیری، خراپ بەکارهێنانی ئامێرەکانی پەیوەندیکردن و فرەژنی.