نرخی بیتکۆین لووتکەی مێژوویی شکاند

ئاڤا نیوز

 

بەرەبەیانیی ئەمڕۆ چوارشەممە نرخی بیتکۆین بە شێوەیەکی بەرچاو بەرزبوونەوەی بەخۆیەوە بینی، بەشێوەیەک نرخی یەک بیتکۆین بۆ زیاتر لە 111 هەزار دۆلار بەرزبوویەوە.

 

وێنە گەورەکە: دوای دابەزینی نرخی بیتکۆین بۆ 74 هەزار دۆلار لە ماوەی 30 ڕۆژی ڕابردوودا، بەرەبەیانیی ئەمڕۆ چوارشەممە نرخی بیتکۆین بەرزبوونەوەیەکی بەرچاوی بەخۆیەوە بینی و نرخی یەک  بیتکۆین بۆ سەرووی 111 هەزار دۆلار بەرزبوویەوە، بەڵام بە چەند کاتژمێرێک دواتر نرخەکەی دابەزی و لە ئێستادا لە نرخی 110 هەزار و 992 دۆلار جێگیر بووە. 

 

باکگراوند: بیتکۆین  دراوێکی دیجیتاڵییە و لە ساڵی 2009 دامەزرا و سیستمێکی پارەدانی جیھانییە. بیتکۆین لە سیستمی یاساییی ھەندێک وڵاتدا، لەنێویاندا ژاپۆن و ئەڵمانیا، بە یاسا ڕێگەی پێدراوە لە مامەڵەی کڕین و فرۆشتن بەکاربهێنرێت.