ئەمریکا: فڕۆکەکەی قەتەر وەک فڕۆکەی فەرمی ترەمپ بەکاردەهێنرێت

ئاڤا نیوز

وەزارەتی بەرگری ئەمریکا فڕۆکەکەی قەتەری وەک فڕۆکەی فەرمی دۆناڵد ترەمپ، سەرۆکی ئەمریکا ڕاگەیاند.

چیرۆکی سەرەکی: ڕۆژی پێنجشەممە 2025-05-22، وەزارەتی بەرگری ئەمریکا قبوڵکردنی فڕۆکەیەکی گرانبەهای 'بۆینگ 747'ـی ڕاگەیاند کە دیارییەکی قەتەرە و بڕیاریدا بە فەرمی بکرێتە فڕۆکەی دۆناڵد ترەمپ، سەرۆکی ئەمریکا، ئەمەش دوای ئەوەی مشتومڕێکی زۆری بەدوای خۆیدا  هێنا.

بڵاوکراوەی فەرمی: پێنتاگۆن بڵاویکردەوە، پیت هێگسێت، وەزیری بەرگریی ئەمریکا ڕەزامەندی لەسەر ئەو فڕۆکەیە داوە بۆ ئەوەی وەک فڕۆکەی فەرمی دۆناڵد ترەمپ، سەرۆکی ئەمریکا بەکاربهێنرێت، و پێنتاگۆن ڕێکاری پێویست بۆ دڵنیابوون لە مەرجە ئەمنییەکانی فڕۆکەکە دەگرێتەبەر.

بۆچوونی لایەنی بەرامبەر: جاک شومەر، سەرۆکی دیموکراتەکان لە ئەنجومەنی پیرانی ئەمریکا دوای بڕیارەکەی پێنتاگۆن ڕایگەیاند: ئەمڕۆ ڕۆژێکی تاریکە لە مێژووی وڵاتەکەمان، سەرۆکی ئەمریکا بە ئاشکرا گەورەترین بەرتیلی لە حکومەتێکی بیانی وەرگرتووە.

ئەوەی پێویستە بیزانیت: فڕۆکەکە ناوی جامبۆ سوپەر لوکسە بە تەکنەلۆژیای پێشکەوتوو و ناوازە دروستکراوە بە کۆشکێکی فڕیو لە ئاسماندا ناسراوە، خاوەندارێتییەکەی دەگەڕێتەوە بۆ بنەماڵەی میری قەتەر و بە نرخترین دیارییە کە تائێستا لەلایەن حکومەتێکی بیانییەوە بدرێت بە ئەمریکا.