یەکێتی لە نەینەوا لەگەڵ عەرەبەکان هاوپەیمانیێتی دەبەستێت

ئاڤا نیوز

یەکێتیی نیشتمانیی کوردستان بۆ هەڵبژاردنی داهاتوو لەگەڵ عەرەبەکان دەچێتە نێو هاوپەیمانیێتیەک بەناوی "ئیتیحاد ئەهل نەینەوا".

وێنە گەورەکە: بڕیارە 2025-11-11، هەڵبژاردنی خولی شەشەمی پەرلەمانی عێراق بەڕێوەبچێت، تاوەکو ئێستاش بەگوێرەی ئامارەکانی کۆمیسیۆن  118 پارتی سیاسی،  25 هاوپەیمانی،  کە 5 هاوپەیمانی، هاوپەیمانێتییان لە کۆمسیۆن پەسەند کراوە، هاوکات 11 هاوپەیمانی چاوەڕێی بڕیاری پەسەندکردن دەکەن  و  16 لیستی تاکەکەسیش تۆمار کراون.

زانیاریی بەدەستهاتوو: بەگوێرەی بەڵگەنامەیەک کە وێنەیەکی دەست ئاڤا میدیا کەوتووە، یەکێتیی نیشتمانیی کوردستان بۆ هەڵبژاردنی داهاتوو لەگەڵ عەرەبەکان دەچێتە نێو هاوپەیمانیێتیەک بەناوی "ئیتیحاد ئەهل نەینەوا".

زانیاریی زیاتر: حیزبەکانی کە بەشدارن لەو هاوپەیمانیێتیە، بریتین لە یەکێتیی نیشتمانیی کوردستان، بە سەرۆکایەتی بافڵ جەلال تاڵەبانی، حیزبی مەسیری نیشتمانی، بە سەرۆکایەتی ئەنجام عەلی عومەر و حیزبی ڕەفعەی نیشتمانی، بە سەرۆکایەتی ڕافع سالم ئەحمەد. سەرۆکی هاوپەیمانیێتیەکەش، ئاراس جهانگیر محەممەد نەجم دەبێت.