ترەمپ: پووتین شێت بووە

ئاڤا نیوز

سەرۆکی ئەمریکا هۆشدارییەکی تووند بە ڤلادیمێر پووتین، هاوتا ڕووسییەکەی دەدات سەبارەت بە هەوڵەکانی بۆ دەستبەسەرداگرتنی تەواوی ئۆکراینا.

چیرۆکی سەرەکی: ڕۆژی یەکشەممە، 2025-05-25، دۆناڵد ترەمپ، سەرۆکی ئەمریکا ڕەخنەی تووندی لە ڤلادیمێر پووتین سەرۆکی ڕووسیا گرت، دوای ئەوەی ڕووسیا هێرشێکی بەرفراوانی بە فڕۆکەی بێفڕۆکەوان کردە سەر ئۆکراینا، دۆناڵد ترەمپ لە کاردانەوەی ئەو هێرشە دەلێت پوتیین شێت بووە و هەوڵەکانی بۆ داگیرکردنی ئۆکراینا ڕووخانی ڕووسیای بەدوا دادێت.

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند: "من هەمیشە پەیوەندییەکی باشم لەگەڵ ڤیلادمیر پووتین هەبوو، بەڵام ئەو شتێکی بەسەر هاتووە. ئەو بە تەواوی شێت بووە''.

ترەمپ ئاماژەی بەوەدا، هەمیشە دەڵێم، پووتین دەیەوێت هەموو ئۆکراینا داگیر بکات نەک تەنیا بەشێکی و لەوانەیە ئەوە ڕاست دەربچێت، بەڵام هەر هەوڵێکی پووتین بۆ کۆنتڕۆڵکردنی تەواوی ئۆکراینا دەىێتە هۆی ڕووخانی ڕووسیا.

لەلایەکی دیکەوە: دوای هێرشەکەی دوێنێی ڕووسیا بۆ سەر ئۆکراینا کە بووە هۆی کوژرانی چەند هاووڵاتییەکی سڤیل، یەکێتیی ئەوروپا داوای سەپاندنی سزای زیاتری بۆ سەر ئەو وڵاتە کرد.