سوودانی بۆ وەزارەت و دەزگا ئەمنییەکان: گواستنەوە و دامەزراندن و پۆست نەما

ئاڤا نیوز

سەرۆکوەزیران و فەرماندەی گشتیی هێزە چەکدارەکانی عێراق، چەند فەرمان و ڕاسپاردەیەکی بۆ سەرجەم ئەفسەر و کارمەندانی وەزارەت و دەزگا ئەمنی و سەربازییەکانی عێراقی دەرکرد سەبارەت بە پۆست و گواستنەوە دامەزراندن.

لێدوانی فەرمی:  سەباح نوعمان، گوتەبێژی فەرماندەیی گشتیی هێزە چەکدارەکانی عێراق ڕایگەیاند: محەممەد شیاع سوودانی، سەرۆکوەزیران و فەرماندەی گشتیی هێزە چەکدارەکانی عێراق، فەرمانی ڕاگرتنی گواستنەوە، ڕاسپاردن، دامەزراندن و پۆستی سەرجەم ئەفسەر و کارمەندانی وەزارەت و دەزگا ئەمنییەکانی تاوەکو کاتێکی نادیار دەرکرد.

زانیاریی زیاتر: نوعمان ئاماژەی بەوەشکرد، ئەم فەرمانە لەچوارچێوەی ڕێکارەکانی حکومەت بۆ سەرخستنی پڕۆسەی هەڵبژاردنی خولی شەشەمی پەرلەمانی عێراق دێت.