بەرگریی عێراق بەشداریی ئەفسەرانی لە بۆنە سیاسییەکان قەدەغە دەکات

ئاڤا نیوز

وەزارەتی بەرگریی عێراق ڕایدەگەیێنێت، ڕێگەپێدراو نییە ئەفسەران و پلەدارانی سەر بە وەزارەتی بەرگریی بەشداری هیچ کۆنفرانس و کۆڕ و کۆبوونەوەیەک بکەن کە هەڵگری پەیامی سیاسی بێت.

 

وێنە گەورەکە: بڕیارە لە 11-11-2025، هەڵبژاردنی خولی شەشەمی ئەنجوومەنی نوێنەرانی عێراق بەڕێوەبچێت، وەزارەتی بەرگریی عێراق دەیەوێت ڕێگری لە ئەفسەر و پلەدارەکانی بکات بۆ ئەوە نەبنە بەشێکە لە هەڵمەتەکانی بانگەشەی کاندید و حیزبەکان.

 

ڕاگەیێنراوی فەرمی: سابت عەباسی، وەزیری بەرگریی عێراق لە ڕاگەیێنراوێکدا ئاماژە بۆ ئەوە دەکات، ڕێنماییمان داوە بەشداریکردنی ئەفسەران و پلەدارەکان لە کۆنفرانس یان کۆبوونەوەکان کە هەڵگری پەیامی سیاسی بێت یاخود لێەوە بانگەشە بۆ کاندیدەکان بکرێت، قەدەغە بکرێت.

 

شێوازی جێبەجێکردن: بەڕێوەبەرایەتیی هەواڵگریی سەربازیمان ڕاسپاردووە بۆ ئەوەی بەدواداچوون بۆ جێبەجێکردنی ئەم ڕێنماییە بکات و لێپرسینەوە لەگەڵ سەرپێچیکاران بە پێی ڕێسا سەربازییەکان بکات.

 

لە هەمان کاتدا: جەختی لەسەر "پابەندبوونی دامەزراوە سەربازییەکان بە بنەما پیشەییەکانی و بێلایەنی تەواوەتی" دەکاتەوە.