وەزیری بەرگریی ئەمریکا: چین مەشق بە سەربازەکانی دەکات بۆ داگیرکردنی تایوان

ئاڤا نیوز 

 

وەزیری بەرگری ئەمریکا لەبارەی هەڕەشەکانی چین بۆ سەر تایوان ڕایگەیاند، هەڕەشەکان جددین و دەکرێت زۆر نزیک بێت. 

 

چیرۆکی سەرەکی: وەزیری بەرگریی ئەمریکا لەمیانەی بەشداریکردنی لە دیالۆگی شانگریلا لە سەنگافورە باسی لەوەکرد، ئەمریکا ئامادەیی لە هیندستان و زەریای هێمن زیاد دەکات هاوکات کۆمەڵێک پڕۆژەی هاوبەشی نوێی خستووەتەڕوو لەوانە؛ چاککردنەوەی کەشتییە سەربازییەکان و فڕۆکەکان. 

 

لێدوانی فەرمی: هێگسێت، باسی لەوەشکردووە: هاوپەیمانانی ئەمریکا لە ئاسیا پێویستە ئاستی بەرگری خۆیان بەرزبکەنەوە، هاوکات هۆشداریدا لەوەی سوپای چین بەردەوامە لە مەشق و ڕاهێنان بۆ ئەوەی ئامادەبن بۆ هەڵکوتانە سەر تایوان، ئەمەش کاریگەری دەبێت لەسەر گۆڕینی دۆخی ئێستای ئاسیا. 

 

لەلایەکی دیکەوە: وەزیری بەرگری ئەمریکا ڕایگەیاندووە کە ئیدارەی ترەمپ لە پێشینەی کارەکانی گرنگیدانە بە ناوچەی هیندستان و زەریای هێمن.