کرێملین: هیچ پلانێک بۆ دیداری ترەمپ و پووتین نییە

ئاڤا نیوز

کۆشکی کرێملین ڕایگەیاند، تاوەکو ئێستا هیچ پلانێکی دیاریکراو بۆ ئەنجامدانی دیداری نێوان سەرۆکی ڕووسیا و هاوتا ئەمریکییەکەی نییە.

چیرۆکی سەرەکی: ماوەیەکی زۆرە هەوڵی ڕێکسختنی دیدارێک بۆ ڤلادیمێر پووتین، سەرۆکی ڕووسیا و دۆناڵد ترەمپ، هاوتا ئەمریکییەکەی دەدرێت، کۆشکی کرێملن لە نوێترین بڵاوکراوەیدا سەبارەت بەم بابەتە ڕایگەیاند، هیچ پلانێکی دیاریکراو بۆ کۆبوونەوەی هەردوو سەرۆک نییە.

ڕاگەیێنراوی فەرمی: یوری ئوشاکوف، یاریدەدەری سەرۆکی ڕووسیا بە میدیا ڕووسییەکانی ڕاگەیاند، هیچ پلانێک نییە بۆ دیداری ترەمپ و پووتین، کۆبوونەوەکە پێویستی بە ئامادەکاریی ورد هەیە، بەڵام ئەوەی گرنگە ئێستا هەردوو سەرۆک پەیوەندی تەلەفۆنی ئەنجام دەدەن و ئەنجامی ئەرێنیان هەیە.

بەتەنیشت ئەم بابەتەوە: هەفتەی ڕابردوو، هاکان فیدان، وەزیری دەرەوەی تورکیا پێشنیازی کۆبوونەوەی هەریەکە لە دۆناڵد ترەمپ، سەرۆکی ئەمریکا و ڕەجەب تەیب ئەردۆغان، سەرۆککۆماری تورکیا و ڤۆلۆدیمێر زێلینسکی، سەرۆکی ئۆکراینا و ڤلادیمێر پووتین، سەرۆکی ڕووسیای پێشکەش کرد بۆ کۆبوونەوە لەسەر پرسی ئۆکراینا و ڕاگەیاندنی ئاگربەستێکی گشتگیر.