حکومەتی عێراق شەش ڕۆژ پشوو ڕادەگەیێنێت

ئاڤا نیوز

حکومەتی عێراق پێنج ڕۆژ وەک پشووی ڕۆژانی جەژنی قوربان و ڕۆژێکیش وەک جەژنی غەدیر ڕادەگەیێنێت.

وێنە گەورەکە: ساڵانە بەبۆنەی هاتنی جەژنی قوربانەوە حکومەتی عێراق لانیکەم چوار ڕۆژ پشوو ڕادەگەیێنێت، هاوکات بەگوێرەی یاسای پشووە فەرمییەکانیش جەژنی غەدیر هەرچەندە شیعەکان یادی دەکەنەوە، بەڵام لە هەموو وڵاتدا دەکرێتە پشوو.

ڕاگەیێنراوی فەرمی: ئەنجوومەنی وەزیرانی عێراق لەکۆبوونەوەی ئەمڕۆیدا بڕیاریدا بەبۆنەی جەژنی قوربان لە 6 تا 10ی ئەم مانگە پشووبێت، ڕۆژانی چوارشەممە و پێنجشەممەی داهاتووش دەوام ئاسایی دەبێت، هاوکات بەبۆنەی جەژنی غەدیر 15ی حوزەیران پشووی فەرمی دەبێت.

لەلایەکی دیکەوە: هەرێمی کوردستان پێشتر پشووی ڕۆژانی جەژنی قوربانی بە فەرمی دیاری کردبوو کە لە یەکەم ڕۆژی جەژنی قوربانەوە دەستپێدەکات و لە کۆتا ڕۆژی جەژنیش کۆتایی پێ دێت، واتە چوار ڕۆژ پشووی فەرمی ڕاگەیاندبوو.