منداڵێکی 11 ساڵان لە سنووری کەرکووک بە تەقەی هەڕەمەکی حەشدی شەعبی دەکوژرێت

ئاڤا نیوز

 

شەوی ڕابردوو لەناوچەیەکی سەر بە پارێزگای کەرکووک، چەکدارێکی حەشدی شەعبی بە هەڕەمەکی لە خاڵی مانەوەی خۆیەوە تەقە لە منداڵێک دەکات و ڕاستەوخۆ دەیکوژێت.

 

چیرۆکی سەرەکی: شەوی دووشەممە 09-06-2025 لە گوندێکی سنووری ناحییەی عەباسی پارێزگای کەرکووک، چەکدارێکی حەشدی شەعبی لە ناوەندی ئەرکی خۆیدا، تەقەی لە چەند منداڵیک کردووە و بەبێ دڵنیابوونەوە لەوەی ئەو کەسانە کێن یەکێک لەو منداڵانەی کووشتووە.

 

زانیاریی پەیامنێر: سەرچاوەیەک لە پۆلیسی حەویجە بە دیار محەممەد، پەیامنێری ئاڤای ڕاگەیاند، "ڕووداوەکە لە گوندی برێجی سەر بە ناحیەی عەباسی بووە منداڵێکی تەمەن 11ساڵ کوژراوە، تاوەکو ئێستا هۆکارەکەی دیار نییە و چەکدارەکە دەستبەسەر کراوە."

زانیاریی زیاتر: ئاڤا زانیویەتی ئەو چەکدارە سەر بە لیوای 61 ـی سەربەی هەئیەی حەشدی شەعبییە، کە ڕاستەوخۆ لەلایەن ‌هادی عامرییەوە سەرپەرشتی دەکرێن.

 

باکگراوند: گوندی برێج، دەکەوێتە ناحیەی عەباسی قەزای حەویجە و لەگەڵ پارێزگای سەڵاحەددین هاوسنوورە، دانیشتووانەکەی لە عەرەبی سوننە مەزهەب پێکهاتوون.