یەکەم منداڵی کورد لە کاتی بەجێگەیاندنی فەریزەی حەج لەدایک دەبێت

ئاڤا نیوز

ئەمڕۆ لەشاری مەدینە، ئافرەتێکی سنووری ئیدارەی سەربەخۆی سۆران منداڵی بوو، ئەوەش سێیەمین لە دایک بوونی منداڵە لە ئەمساڵدا لەکاتی بەجێگەیاندنی فەریزەی حەج.

چیرۆکی سەرەکی: خێزانێکی دانیشتووی قەزای خەلیفان چەند ڕۆژێکە بەمەبەستی بەجێگەیاندنی فەریزەی حەج لە سعوودییەن، دوای تەواوکردنی سەرجەم ئەرکە ئاینییەکان گەڕاونەتەوە شاری مەدینە، بۆ ئەوەی 15ـی ئەم مانگە بگەڕێنەوە کوردستان، منداڵێکیان لەدایک دەبێت و گەڕانەوەیان دوادەکەوێت.

لێدوانی فەرمی: یوسف چۆمانی، بەرپرسی نوسینگەی حەج و عومرەی ئیدارەی سۆران بە ئاڤای گوت، "منداڵەکە لە رێگەی نەشتەرگەرییەوە لەنەخۆشخانەیەکی مەدینە دایک بووە، سەردانمان کردوون و تەندروستی زۆرباشە، هەروەها منداڵەکەیان ناو ناوە محەممەد."

زانیاریی زیاتر: بە گوتەی بەرپرسی نوسینگەی حەج و عومرەی ئیدارەی سۆران، گەڕانەوەی ئەو خانەوادەیە دوادەکەوێت و دەبێت پاسپۆرتی کاتی بەمەبەستی گەڕانەوەی بۆ هەرێمی کوردستان بۆ دەربهێنرێت.