لە ساڵێکدا 47 هەزار عێراقی لەڕێگەی تورکیاوە چوونەتە وڵاتانی دیکە

ئاڤا نیوز

لە ساڵی 2024دا زیاتر لە 47 هەزار عێراقی تورکیایان بەجێهێشتووە و بەرەو دەرەوەی وڵات ڕۆیشتوون.

 

وێنە گەورەکە: تورکیا بووەتە دەروازەیەکی سەرەکیی بۆ کۆچبەرانی عێراقی و سووری بەرەو وڵاتانی دیکە، ساڵانەش ژمارەیەکی زۆر لە هاووڵاتیانی عێراقی و سووری لە ڕێگەی تورکیاوە دەچنە وڵاتانی ئەوروپا.

 

بڵاوکراوەی فەرمی: بەگوێرەی داتاکانی دەستەی ئاماری تورکیا، لە ماوەی ساڵی 2024دا زیاتر لە 47 هەزار هاووڵاتیی عێراقی لە تورکیاوە کۆچیان بۆ وڵاتانی دیکە کردووە.

 

ژمارەکان وادەڵێن: ژمارەی ئەو عێراقیانەی لە ماوەی ساڵی ڕابردوودا کۆچیان کردووە بۆ تورکیا گەیشتووەتە پێنج هەزار و 964 کەس، کە سێ هەزار و 62 کەسیان لە ڕەگەزی نێر و دوو هەزرا و 872 یان لە ڕەگەزی مێ بوون.

 

- 47 هەزار و 517 عێراقی تورکیایان بەجێهێشتووە و بەرەو وڵاتانی دیکە ڕۆیشتوون، ئەم ڕێژەیە بەراورد بە ساڵی 2023 دابەزیوە، بەجۆرێک لە ساڵی 2023 ژمارەی ئەو کۆچبەرە عێراقییانەی لە تورکیاوە کۆچیان کردبوو، 66 هەزار و 300 کەس دەبوون.

 

پێدراوە ڕاستییەکان: دەستەکە ئاماژەی بەوەش کردووە کە عێراقییەکان لە ماوەی ساڵی ڕابردوودا پلەی یەکەمیان گرتووە لە لیستی ئەو نەتەوانەی کە زۆرترین ژمارەیان لە تورکیاوە کۆچیان کردووە، بەدوای ئەواندا ئەفغانییەکان و پاشان ڕووسییەکان لە پلەی سێیەمدا دێن.