کۆمیسیۆن: لیستی کاندیدانی 160 حیزب، هاوپەیمانی و لیستی تاکە کەسییمان بەدەستگەیشتووە

ئاڤا نیوز

کۆمیسیۆنی هەڵبژاردنەکانی عێراق ڕایگەیاند، 160 حیزب، هاوپەیمانی و لیستی تاکە کەسیی، لیستی کاندیدانی خۆیان بۆ بەشداریکردن لە هەڵبژاردنی پەرلەمانی عێراق پێشکەش کردووە و وردبینیکردن لە لیستەکانیش مانگێکی پێویست دەبێت.

وێنە گەورەکە: بڕیارە ڕۆژی 11ی مانگی 11ی ئەمساڵ هەڵبژاردنی پەرلەمانی عێراق بەڕێوەبچێت، 26ی حوزەیرانیش کۆمیسیۆن کۆتاییهاتنی ماوەی پێشکەشکردنی لیستی کاندیدی لایەنە سیاسییەکانی ڕاگەیاند و ئاشکرایکرد نزیکەی پێنج هەزار کاندید بەشداریی لەهەڵبژاردنی داهاتوودا دەکەن.

لێدوانی فەرمی: جومانە غەڵای، وتەبێژی کۆمیسیۆنی باڵای سەربەخۆی هەڵبژاردنەکانی عێراق بە ئاژانسی هەواڵی فەرمی ڕاگەیاند، کۆمیسیۆن لیستی کاندیدانی 160 حیزب، هاوپەیمانی و لیستی تاکە کەسیی بەدەستگەیشتووە و ئێستا وردبینیی لە مەرجەکانی کاندیدبوون بۆ ئەو کەسانە دەکات.

ئاماژەی بەوەشکرد، کۆمیسیۆن بۆ تەواوکردنی وربینیی لە لیستی کاندیدەکان و پێداچوونەوە بە مەرجەکانی شایستەیی کاندیدبوونیان، پێویستی بە مانگێک هەیە.