مۆڵەتپێدان بە بازرگانانی ماددەی هۆشبەر لە چاکسازییەکان ڕادەگیرێت
- هەواڵ
- 7 کاتژمێر لەمەوپێش

دیمەنی زیندانیی چاکسازی گەورانی سلێمانی
ئاڤا نیوز
دوای هەڵهاتنی بەندکراوێک لە چاکسازی گەورانی سلێمانی، مۆڵەت پێدان بە بازرگانانی ماددەی هۆشبەر لە چاکسازییەکاندا بۆ بینینی کەسوکاریان بە شێوەیەکی کاتی ڕاگیرا.
چیرۆکی سەرەکی: ڕۆژی 30ـی 10ـی ساڵی ڕابردوو، بەندکراوێک لە چاکسازی گەورانی سلێمانی، لە کاتی چاوپێکەوتنی لەگەڵ براکەیدا جلوبەرگەکانیان ئاڵوگۆڕ کرد و مۆری زیندانییەکەی لە دەستی خۆی دابوو بۆ ئەوەی هەستی پێنەکرێت و هەڵهات، ئەو بەندکراوە سزای دووجار لەسێدارەدانی بەسەردا سەپێنرابوو، دوای ئەوە مۆڵەت پێدان بە بازرگانانی ماددەی هۆشبەر بۆ بینینی کەسوکاریان بە شێوەیەکی کاتی ڕاگیرا.
لێدوانی فەرمی: ئیحسان عەبدولڕەحمان، بەڕێوەبەری گشتیی چاکسازییەکانی هەرێمی کوردستان، بە ئاڤا میدیای ڕاگەیاند: مۆڵەت پێدان و گەڕانەوە بۆ ماڵەوە بە بازرگانانی ماددەی هۆشبەر ڕاگیراوە، چونکە ژمارەی بازرگانانی ماددەی هۆشبەر زیاد بووە.
بەڕێوەبەری گشتیی چاکسازییەکانی هەرێمی کوردستان دەڵێت: فەرمانی ڕاگرتنی مۆڵەت پێدان بە بازرگانانی ماددەی هۆشبەرمان دەرکردووە، بۆ ئەنجوومەنی وەزیرانمان ناردووە تا ڕەزامەندی لەسەر بدەن و ڕێنمایی پێ دەربکرێت، بۆ ئەوەی بیخەینە بواری جێبەجێکردنەوە.
زانیاریی زیاتر: ئەو بەندکراوانەی حوکمی تا هەیاییان هەیە، سێ مانگ جارێک مۆڵەتی هەفتەیەکیان پێ دەدرێت، بۆ ئەوەی لەناو ماڵ و منداڵیان بەسەری ببەن، بەڵام ئەم مۆڵەتە حوکمەکانی تیرۆر، کوشتن، ڕفاندنی نەدەگرتەوە، ئەگەر ڕەزامەندی ئەنجوومەنی وەزیران وەربگرین، ئەوا چیتر بازرگانانی ماددەی هۆشبەریش ناگرێتەوە.
زیاتر لەسەر ئەم بابەتانە بکۆڵەرەوە
دوایین هەواڵەکان
- بیروڕا
- 29 خولەک لەمەوپێش
جەنگی ئێران ئیسرائیل کۆتایی هاتووە یان تەنیا وەرگرتنی پشووێکە؟
هەڵبژاردەکان بۆ تۆ
خەڵکی ڤینیسیا ئاهەنگی هاوسەرگیرییەکەی جێف بێزۆسیان تێکدا
28 حوزەیران
بە بڕی پێنج ملیۆن دۆلار نەخۆشخانەیەكی دەروونی لە هەولێر دروست دەكرێت
28 حوزەیران
سەرۆك بارزانی ئاڵوگۆڕی نامەكانی لەگەڵ سەركردەكانی عێراق بڵاودەكاتەوە
28 حوزەیران
لە دوو ڕۆژدا هەر مسقاڵێک زێڕ 12 هەزار دینار دابەزیوە
28 حوزەیران
فەرەنسا لەبارەی جگەرەکێشانەوە بڕیارێکی نوێ دەردەکات
28 حوزەیران
- هەواڵ
- 15 خولەک لەمەوپێش
بە گوژمەی زیاتر لە یەک ملیار دینار سێ ڕێگای سەرەکی کۆیە نۆژەن دەکرێنەوە
- کوردستان
- 51 خولەک لەمەوپێش
هۆشیار زێباری داوای دووبارە پێکهێنانەوەی دادگای باڵای فیدراڵی دەکات
- کوردستان
- 1 کاتژمێر لەمەوپێش
دژەتیرۆری کوردستان: هیچ درۆنێک لە سنووری هەولێر نەکەوتووەتە خوارەوە
- هەواڵ
- 1 کاتژمێر لەمەوپێش
ژمارەی کوژراوانی غەززە بۆ زیاتر لە 56 هەزار کەس بەرز دەبێتەوە