ئاڤا وادەی ڕاگەیاندنی ئەنجامی کۆتایی تاقیکردنەوەی پۆلی 12 ئاشکرا دەکات

ئاڤا نیوز

ئەمڕۆ تاقیکردنەوەی پۆلی 12 بە وێژەیی و زانستی و پیشەیی و خوێندنی تورکمانی و سریانی  کۆتایی هات. بڕیارە لەم هەفتەیە ئەنجامەکان ڕابگەیێنرێن.

چیرۆکی سەرەکی: ڕۆژی 1ـی 6، تاقیکردنەوەکان دەستیانپێکرد و ئەمڕۆ 6ـی7، کۆتاییهات، واتا مانگێک و پێنج ڕۆژ بەردەوام بوو. بۆ ئەمساڵ 115 هەزار و 787 قوتابی لە دوو هەزار و 17 هۆڵ تاقیکردنەوەکانیان کرد.

لێدوانی فەرمی: د.سەیوان عەلی، بریکاری وەزارەتی پەروەردەی حکومەتی هەرێمی کوردستان بە ئاڤای وت، سبەی دووشەممە بە ئامادەبوونی وەزیری پەرەوەردە کۆبوونەوەیەک لەگەڵ لیژنەی تاقیکردنەوەکان دەکرێت، ڕاپۆرتی کۆتاییان لێ وەردەگیرێت و وادەیەکی دیاریکراو بۆ ڕاگەیاندنی ئەنجامەکان دیاری دەکرێت.

زانیاریی زیاتر: د،سەیوان ئەوەش دەڵێت: مانگێک زیاترە نووسراومان بۆ هەموو پەروەردەکان لە هەموو پارێزگاکان کردووە، بۆ ڕاگەیاندنی ئەنجامەکان هیچ مەراسیمێک بەڕێوەناچێت، یەکەم و دووەم و سێیەم دیاری ناکرێت. ئەمەش لەپێناو دروستنەکردنی جیاوازییە لەنێوان قوتابیان.

زانیاریی تایبەت: ئاڤا زانیویەتی، ئەگەر هیچ گۆڕانکاریەک لە وادەکە ڕوونەدات تا کۆتایی ئەم هەفتەیە ئەنجامی تاقیکردنەوەکانی پۆلی 12 ڕادەگەیێنرێت.