لە عێراق 245 بازرگانی نێودەوڵەتیی ماددەی هۆشبەر لەسێدارە دەدرێن

ئاڤا نیوز

لە ماوەی سێ ساڵی ڕابردوو، لە عێراق دەیان سزای لەسێدارەدان بەسەر بازرگانانی نێودەوڵەتیی ماددەی هۆشبەردا سەپێنراوە، دەستیش بەسەر هەزاران کیلۆگرام ماددەی هۆشبەردا گیراوە.

چیرۆکی سەرەکی: وەزارەتی ناوخۆی عێراق ئاشکرای دەکات، 245 سزای لەسێدارەدان بەسەر بازرگانانی نێودەوڵەتی ماددەی هۆشبەردا سەپێنراوە، ئەو سزایانە بە پێشینەیەکی مێژوویی لە عێراقدا دادەنرێت.

لێدوانی فەرمی: حوسێن تەمیمی، وتەبێژی بەڕێوەبەرایەتیی گشتیی کاروباری ماددە هۆشبەرەکان لە وەزارەتی ناوخۆی عێراق ڕایگەیاند: لە ماوەی ساڵانی 2023 و 2024 و 2025، لەلایەن دادگاکانەوە سزای سێدارە بۆ 245 بازرگانی نێودەوڵەتیی ماددەی هۆشبەر سەپێندراوە و سزای زیندانیی هەمیشەییش بۆ 955 بازرگانی ناوخۆیی دەرچووە.

تەمیمی، ئاماژەی بەوەشکرد، لەو ماوەیەدا دەست بەسەر 12 تۆن و 700 کیلۆگرام لە جۆرە جیاوازەکانی ماددەی هۆشبەردا گیراوە.