
دیمەنی دوای هێرشەکەی مۆسکۆ، سەرچاوە:AFP
ئاڤا نیوز
گیانلەدەستدان بەهۆی هێرشەکەی مۆسکۆ، 143 كەسی تێپەڕاند، زیاتر لە170 برینداریش لەژێر چاودێری ورددان، هێشتا سەرەتای ڕووداوەکە بوو، ڕووسیا پەنجەی تۆمەتی بۆ ئۆكراینا درێژکرد، ئۆكرایناش دەڵێت: ئێمە نەبووین.
وێنە گەورەكە: ڕووداوی هێرشكردنە سەر یەكێك لە هۆڵەكانی ئاهەنگگێڕان لە ڕووسیا بووتە بابەتی گەرمی میدیاكانی ڕووسیا، هاوکات بەیاننامەكەی داعش لەبارەی هێرشەكەوە بە گەمەیەک ناودەبەن و ئۆكرایناش دەڵێت؛ ئەوان كاری لەو شێوەیەیان نەکردووە، ئەمریکاش پاکانە بۆ ئۆکراینا دەکات و دەڵێت "ئەوان نەبوون داعش بوو".
ئەوەی پێویستە بیزانیت: ئێوارەی ڕۆژی هەینی 22-03-2024,ژمارەیەک چەکداری لقی داعش- خۆڕاسان، هێرشیان کردەسەر هۆڵی "کرۆکوسی" ئاهەنگگێڕان لە شاری کڕاسنۆگۆرسکی نزیک مۆسکۆی پایتەخت.
لێدوانی فەرمی: ئادرین واتسۆن،گوتەبێژی ئەنجوومەنی ئاسایشی نیشتمانیی ئەمەریکا ڕایگەیاند: بە تەنیا داعش بەرپرسیارێتی هێرشە کوشندەکەی ڕۆژی هەینی لە نزیک مۆسکۆ لە ئەستۆ دەگرێت و ئۆکرانیا دەستی لە هێرشەکەدا نەبووە..
حکومەتی ئەمریکا پێشتر لە سەرەتای ئەم مانگەدا زانیارییەکانی لەگەڵ ڕووسیادا هاوبەشکردووە، سەبارەت بە هێرشێکی پلان بۆ داڕێژراو لە مۆسکۆ، ئادرین واتسۆن وای گوت.
لەلایەکی دیکەوە: ڤۆلۆدیمیر زێلێنسکی، سەرۆکی ئۆکرانیا لە پەیامە ڤیدیۆیەکەیدا لە ڕۆژی شەممە ڕایگەیاند، ڤلادیمێر پوتین، سەرۆکی ڕووسیا بەدوای ڕێگایەکدا دەگەڕێت بۆ ئەوەی تاوانباری کۆمەڵکوژییەکەی کۆنسێرتەکەی مۆسکۆ بگوازێتەوە بۆ ئۆکرانیا.
بە گوتەی زێلێنسکی، "ئەوەی دوێنێ لە مۆسکۆ ڕوویدا ڕوونە: پوتین تەنیا هەوڵی ئەوە دەدات تاوانەکە بگوازێتەوە بۆ سەر لایەنێکی دیکە، ڕووسیا هەمیشە بەو شێوەیە کاردەکات، ئێمە پشتیوانی کەسووکاری قوربانییەکان دەکەین.
ئەمەش بزانە: لقی داعش-خۆڕاسان بەرپرسیارێتی خۆی لە کووشندەترین هێرشی مۆسکۆ لە ڕووسیا لە ماوەی نزیکەی دوو دەیە و کوشندەترین هێرشی ئەو ڕێکخراوە لە ئەوروپا ڕاگەیاند.
پوتین سەبارەت بە هێرشەکەی مۆسکۆ چی گوت؟
ڤلادیمێر پوتین سەرۆکی ڕوسیا، لە یەکەم کاردانەوەیدا سەبارەت بە هێرشەکە ڕایگەیاند، هەموو ئەوانەی لە پشت هێرشەکەن سزا دەدرێن و ڕووداوەکەشی بە "کردەوەیەکی تیرۆریستی ڕێکخراو" وەسف کرد.
پوتین لەسەر هێرشەکە دەڵێت:
• ئەوانەی دەستیان لە هێرشەکەی مۆسکۆدا هەبووە، بەرەو سنووری ڕووسیا و ئۆکرانیا ڕۆیشتوون.
• پەنجەرەیەک ئامادەکرابوو بۆ ئەوەی بپەڕنەوە بۆ ئۆکرانیا.
• دەزگا ئەمنییەکان کاردەکەن بۆ لێکۆڵینەوە لە بارودۆخی ڕووداوەکە.
• تاوانباران هاوڵاتی و منداڵیان کوشت، وەک چۆن نازییەکان لە ڕابردوودا ئەو کارەیان کرد.
• سەرجەم تاوانباران بە شێوەیەکی دادپەروەرانە سزا دەدرێن، هەموو ئەوانەشی لە پشت ئەم هێرشەوەن سزا دەدەین.
• کەس ناتوانێت پێکەوەی و هێز و یەکڕیزیمان بهەژێنێت.
• ڕووسیا لە ڕابردوودا قۆناغێکی سەختی تێپەڕاند، بەڵام زۆر بەهێزتر بۆوە.
ڕوسیا تۆڵە دەكاتەوە
ڕووسیا لە تۆڵەی هێرشەكەدا بەنیازە، گورزی کەمەرشکێن لە ئۆكراینا بدات، بەو پێیەی نیگەرانییەكان گەیشتوونەتە ئاستێكی وەها شەقامی ڕووسیا توڕەیە، بەشێك لە شرۆڤەكاران بۆ میدیاكانی ڕووسیا باسیان لەوە كردووە، "ئەگەر داعشیش كارەكەی كردبێت بێگوومان كێیڤ ئاگاداری دۆخەكە بووە"
دوایین هەواڵەکان
- بزنس
- 31 خولەک لەمەوپێش
کۆبوونەوەی دادگەی فیدڕاڵی سەبارەت بە مووچە دەکەوێتە هەفتەی داهاتوو
- جیهان
- 59 خولەک لەمەوپێش
کرێملین: ئامادەین بۆ نێوەندگیری نێوان ئیسرائیل و ئێران
- هەواڵ
- 1 کاتژمێر لەمەوپێش
20 وڵاتی عەرەبی و ئیسلامی دژی هێرشی ئیسرائیل هاتنە دەنگ
هەڵبژاردەکان بۆ تۆ
مۆدێلی بەیرووت؛ ستراتیژییەتێکی نوێی سەربازیی ئیسرائیل بەرامبەر ئێران
15 کاتژمێر لەمەوپێش
فۆردۆ؛ ئەو شوێنەی ئێران مووشەکی ئیسرائیل ناتوانێت زیانی پێبگەیێنێت
16 کاتژمێر لەمەوپێش
نەتانیاهۆ ئاشکرای دەکات: مووشەکی ئێران بەر ژووری نووستنەکەم کەوتووە
17 کاتژمێر لەمەوپێش
سەعات حەوت زیاتر لە یەک ملیۆن بینەر
19 کاتژمێر لەمەوپێش
مۆسادی ئیسرائیل چۆن فەرماندە سەربازییەکانی ئێرانی هەڵخەڵەتاند و هێرشی کردە سەر ئەو وڵاتە؟
14 حوزەیران
- جیهان
- 59 خولەک لەمەوپێش
کرێملین: ئامادەین بۆ نێوەندگیری نێوان ئیسرائیل و ئێران
- جیهان
- 3 کاتژمێر لەمەوپێش
ترەمپ: ڕێگە نادەین ئێران ببێتە خاوەنی چەکی ئەتۆمی
- هەواڵ
- 4 کاتژمێر لەمەوپێش
ئەکسیۆس: واشنتن پێشنیازی کۆبوونەوەی بۆ تاران کردووە
- جیهان
- 4 کاتژمێر لەمەوپێش
چین: ترەمپ ئاگری جەنگ خۆشتر دەکات
- جیهان
- 5 کاتژمێر لەمەوپێش
ترەمپ پەیامێکی خێرا لەبارەی جەنگی نێوان ئیسرائیل و ئێران بڵاودەکاتەوە
- جیهان
- 6 کاتژمێر لەمەوپێش
گرووپی G7 پشتگیریی خۆیان بۆ ئیسرائیل دووپات دەکەنەوە