گەڕێکی دیکەی سەردانەکانی شاندی دەم پارتی دەستپێدەکەنەوە

ئاڤا نیوز

دوای چەکدانانی یەکەم گرووپی پەکەکە لە هەرێمی کوردستان، گەڕێکی نوێی سەردانەکانی شاندی ئیمراڵی بۆ لای پارتە سیاسییەکانی تورکیا دەستپێدەکەنەوە، لەم هەفتەدایە لەگەڵ دەوڵەت باخچەلی، سەرۆکی مەهەپە، ئۆزگور ئۆزێل، سەرۆکی جەهەپە، ئەحمەد داودئۆغلو، سەرۆکی پارتی ئایندە کۆدەبنەوە.

وێنە گەورەکە: هەوڵەکانی دەم پارتی بۆسەرخستنی پرۆسەی ئاشتی لە تورکیا بەردەوامن، دوای چەکدانانی یەکەم گرووپی پەکەکە، ئەم هەفتەیە گەڕێکی دیکەی کۆبوونەوەکان لەگەڵ لایەنە سیسییەکانی تورکیا بەڕێوە دەبات.

زانیاریی زیاتر: سەردانەکەی شاندی دەم پارتی ئەمجارە لەگەڵ پارتە سیاسییەکانی تورکیا بۆ قسەکردن دەبێت لەسەر پێکهێنانی لیژنەکەی پەرلەمان بۆ پرۆسەی ئاشتی و گفتوگۆکردن لەسەر میکانیزمی کارکردنییان.

بەگوێرەی پڕۆگرامی کاری پارتەکە، ڕۆژی سێشەممە 16ـی تەمووز، کاتژمێر 12 لەگەڵ پارتی ئایندە کۆدەبێتەوە، کاتژمێر 2ـی دوای نیوەرۆ لەگەڵ دەوڵەت باخچەلی، سەرۆکی مەهەپە کۆدەبێتەوە.

ڕۆژی چوارشەممە 17ـی تەمووز، کاتژمێر 1ـی دوای نیوەرۆ لەگەڵ ئۆزگور ئۆزێل، سەرۆکی جەهەپە کۆدەبێتەوە.