ئیسرائیل 26 فەلەستینی لە نۆرەی وەرگرتنی یارمەتییە مرۆییەکان دەکوژێت

ئاڤا نیوز

هێزەکانی ئیسرائیل لە تەقەکردن لە خەڵكی غەززە لەکاتی وەرگرتنی یارمەتییە مرۆییەکان بەردەوامن، ئەمڕۆش 26 کەسی دیکەیان کوشت.

 

ڕاگەیێنراوی فەرمی: بەرگریی شارستانیی غەززە ڕایگەیاند، بەرەبەیانیی ڕۆژی شەممە 19-7-2025، هێزەکانی ئیسرائیل 26 کەسیان لە نزیک ناوەندەکانی دابەشکردنی یارمەتییە مرۆییەکان کوشت و زیاتر لە 100 کەسی دیکەشیان بریندار کرد.

 

زانیاریی زیاتر: 22 کەسیان لە نزیک ناوەندێک لە باشووری ڕۆژئاوای خان یونس بوون و چوار کەسی دیکەش لە نزیک ناوەندێک لە باکووری ڕۆژئاوای ڕەفەح بە گوللـەی هێزەکانی ئیسرائیل کوژراون.

 

ئەمەش بزانە: تا ئێستا ئیسرائیل نزیکەی هەزار فەلەستینیی لە سەرەی وەرگرتنی خۆراک لە کەرتی غەززە کوشتووە.