کرێملن: ئەگەر هەیە ترەمپ و پووتین یەکتر ببینن

ئاڤا نیوز

کۆشکی سەرۆکایەتیی ڕووسیا، کرێملن لەبارەی دیداری نێوان سەرۆکی ڕووسیا و سەرۆکی ئەمریکا دەڵێت، دەکرێت یەکتر ببینن.

لێدوانی فەرمی: دیمیتری پێسکۆڤ، وتەبێژی کرێملن ڕاگەیاند، ئەگەر دۆناڵد ترەمپ، سەرۆکی ئەمریکا بڕیار بدات لەو ڕۆژانەی کە پووتین دەچێتە چین ناوبراو سەردانی چین بکات، ئەوا بێگومان کۆبوونەوەیەکی لەو شێوەیە بەدەرنابێت دەکرێت ڕووبدات.

زانیاریی زیاتر: پیسکۆف ئەمەشی خستەڕوو، تاوەکو ئێستا هیچ ئامادەکارییەک بۆ دیداری نێوان هەردوو سەرۆک نەکراوە بڕیاری کۆتاییش بۆ دیدارەکە نەدراوە.

ئەوەی پێویستە بیزانیت: بڕیارە لە سەرەتای مانگی ئەیلوولدا ڤلادێمیر پووتین، سەرۆکی ڕووسیا سەردانی چین بکات بۆ ئاهەنگگێڕان بە بۆنەی 80 ساڵەی کۆتایی هاتنی جەنگی جیهانی دووەم.