عەلاوی: ئێران دەیەوێت ناوچەكە لە شەڕی غەزەوە تێوەبگلێنێت

ئاڤا دیجیتاڵ

ئەیاد عەلاوی سەرۆكی هاوپەیمانی نیشتیمانی دەڵێت "ئەو هێرشانەی ئێران دەیكاتە سەر هەولێر و بنكە سەربازییەكانی ئەمریكا لە عێراق و ئێران نیشانەی فراوانبوون و تەشەنە سەندنی شەڕی عەزەیە و ئێران دەیەوێت ناوچەكە لەشەڕەكەوە تێوە بگلێنێت".

چیرۆكە سەرەكییەكە: هێرشە مووشەكییەكەی ئێران بۆ سەر هەولێر تادێت زیاتر كاردانەوەی نێودەوڵەتی لێدەكەوێتەوە، تا ئێستا زیاتر لە 10 وڵات و رێكخراوی نێودەوڵەتی سەركۆنەی ئەو كارەیان كردووە و لەو چوار چێوەیەشدا بەرپرسانی عێراق باس لەوەدەكەن كێشەكە گەورەتر دەبێت وعێراق دەبێتە بەشێك لە شەڕەكە.

لێدوانی فەرميی: ئەیاد عەلاوی، سەرۆكی هاوپەیمانی نیشتیمانی راگەیێندراوێكی بڵاوكردوەتەوە و نوسیویەتی "رۆژهەڵاتی ناوەڕاست بەهۆی هێرشە دوژمنكارییەكانی ئێران بۆ سەر هەولێر و عێراق، سووریا و پاكستان درێژە دەدات بە شەڕەكەی غەزە و ناوچەكە تێوەدەگلێنێت لە شەڕێكی گەورە، دەبێت ئەنجوومەنی ئاسایش بەپەلە دەستێوەردان بكات".

باگراوند: كاتژمێر 11:30 ی  شەوی دووشەممە، ئێران،  بەچەندین مووشەك وچەند فڕۆكەیەكی  بێ فڕۆكەوان هێرشی كردە سەر هەولێر، بەهۆیەوە پێنج كەس گیانیان لەدەستدا و شەش كەسی دیكەش برینداربوون.