سەرۆکی حەماس سەردانی ئێران دەکات

ئاڤا نیوز

 

ئیسماعیل هەنیە، سەرۆکی مەکتەبی سیاسیی بزووتنەوەی حەماس بە سەردانێک دەگاتە ئێران لەگەڵ بەرپرسانی باڵای ئەو وڵاتە کۆدەبێتەوە.

 

وێنە گەورەکە: ئەم سەردانەی هەنیە لە دوای بڕیارنامەکەی ئاگربەستی غەززە دێت کە لە ئەنجوومەنی ئاسایش بۆ وەستاندنی شەڕ لە پەسەند کرا.

 

ڕاگەیێنراوی فەرمی: میدیای فەرمیی ئێران ڕایگەیاند: "ئەمڕۆ ئیسماعیل هەنیە، سەرۆکی مەکتەبی سیاسیی بزووتنەوەی حەماس دەگاتە ئێران و لەگەڵ حوسێن ئەمیر عەبدوڵلاهیان، وەزیری دەرەوەی ئەو وڵاتە کۆدەبێتەوە".

 

زانیاریی زیاتر: هەنیە جگە لە عەبدوڵلاهیان لەگەڵ بەرپرسانی دیکەی ئێران کۆدەبێتەوە و تاوتوێی پرسی ئاگربەستی غەززە دەکەن.

 

ئەوەی پێویستە بیزانیت: لە ماوەی شەش مانگی شەڕی نێوان ئیسرائیل و حەماس، ئێران لە بەرەی حەماسدا بووە، حووسییەکان و حیزبوڵڵای لوبنانیش لەو گرووپانەن کە هاوشانی حەماس بە پشتیوانی ئێران لە دژی ئیسرائیل دەجەنگن.