به‌نزینی خراپ و تێكه‌ڵ به‌ ئاو له‌ به‌نزینخانه‌یەکی هەولێردا فرۆشراوه‌

ئاڤا نیوز

بەنزینخانەیەکی هەولێر بەنزینی کوالێتی خراپ و تێکەڵ بە ئاوی بەسەر شۆفێران دابەشکردووە، بەهۆی ئەمەوە ژمارەیەکی زۆر ئۆتۆمبێل تووشی زیان هاتوون، بەڕێوەبەرایەتیی نەوت و کانزاکانیش بە داخستن سزای دەدات. 

چیرۆکی سەرەکی: بەشێک لە شۆفێرانی هەولێر ناڕەزایەتیی خۆیان گەیاندووەتە هەولێر لەبەرامبەر خراپی کوالێتی بەنزینی بەنزینخانەیەک کە تێکەڵی ئاو و بەنزینی دابەشكردووە و بووەتە هۆی وەستاندنی فیتپەمپ. 

لێدوانی فەرمی: بەڕێوەبەرایەتی نەوت و کانزاکانی هەولێر لەدوای ئاگادارکردنەوەیان لەلایەن ئاڤاوە ڕایانگەیاند: بەدواداچوونمان کردووە و دەرکەوتووە بەنزین تێکەڵ بە قوڕاوی دابەشكردووە و ڕیکلامی بەنزینی کوالێتی بەرزکردووە. 

 

ئەو بەنزینخانەیەک بە داخستن سزا دەدرێت و دەبێت قەرەبووی ئەوانەش بکاتەوە کە بەهۆی ئۆتۆمبێلەکانیان تووشی زیان هاتووە.