هیندستان سنوور لەگەڵ میانمار تەلبەند دەکات

ئاڤا نیوز

 

هیندستان پلانی هەیە بە درێژایی 1,610 کیلۆمەتر، سنووری خۆی لەگەڵ میانمار تەلبەند بکات و بۆ ئەمەش بودجەیەکی بە بڕی 3.7 ملیار دۆلار تەرخان کردووە. 

 

وێنە گەورەکە: چەندین ساڵە هیندستان کێشەی کۆنترۆڵکردنی سنوورەکانی لەگەڵ میانمار هەیە؛ ئێستا دەیەوێت لەڕێگەی تەلبەندکردنیەوە ڕێگە لە قاچاخچیەتی و چالاکیی دیکەی نایاسایی لەو سنوورانە بگرێت. 

 

زانیاریی زیاتر: هیندستان جگە لە تووندوتۆڵکردنی سنوورەکەی، دەیەوێت لەم رێگەیەوە گۆڕانی دیموگرافیی ناوچە سنوورەکان کەم بکاتەوە و ڕێگریی لێ بکات.

 

ئەوەی پێویستە بیزانیت: لە ساڵی 2021ـەوە، لەڕێگەی کودەتاوە حکومەتێکی نوێ لە میانمار هاتووەتە سەر کار؛ لەو کاتەوە هەزاران کەسی مەدەنی و سەدان کەس لە سوپای میانمار ئاوارەی ناوچە سنوورییەکانی هیندستان بوون.