نرخی نەوت و زێڕ بەردەوامە لە بەرزبوونەوە

ئاڤا نیوز

نرخی یەک بەرمیل نەوت لە بازاڕەکانی جیهاندا 91 دۆلاری تێپەڕاند، یەک ئۆنسە زێڕیش بە دوو هەزار و 292 دۆلارە.

وێنە گەورەکە: دوو هەفتەیە لە  بازاڕەکانی جیهاندا نرخی نەوت و زێڕ بەرزدەبێتەوە، ئەمڕۆ یەک بەرمیل نەوتی برێنت گەیشتە 91 دۆلار و زێریش بەرزبوویەوە.

ئەوەی پێویستە بیزانیت: نرخی یەک بەرمیل نەوتی برێنت بە 91 دۆلارە، نرخی یەک بەرمیل نەوتی ئۆپیک بە 91 دۆلار  دوو سەنتە، نرخی یەک بەرمیل نەوتی تێکساس 86 دۆلار و 77 سەنتە.

لێدوانی فەرمی: هەندرێن وەرتی، سەرۆکی سەندیکای زێڕینەگەرانی کوردستان بە ئاڤا نیوزی گوت: بەرزبوونەوەی نرخی زێڕ لە بازاڕەکانی جیهاندا پەیوەستە بە خواست لەسەر کڕینی زێڕ، بەشێوەیەکی بەرچاو لە هەرێمی کوردستانیشدا تا ڕادەیەک نرخەکەی بەبەراورد بە چەند ڕۆژی ڕابردوو بەرزتر بووەتەوە.

زانیاریی زیاتر: نرخی یەک ئۆنسە زێڕ دوو هەزار و 292 دۆلارە، یەک مسقاڵ زێڕی عەیارە 24 بە 530 هەزار دینار مامەڵەی پێوەدەکرێت، یەک مسقاڵ زێڕی عەیارە 21 بە 460 هەزار دینار مامەڵەی پێوەدەکرێت، یەک مسقاڵ زێڕی عەیارە 18 بە 400 هەزار دینار مامەڵەی پێوەدەکرێت.