خواستی ئەمریکا بۆ هەناردەکردنەوەی نەوتی هەرێمی کوردستان دۆخەکە دەگۆڕێت؟

ئاڤا نیوز 

 

دوای کۆبوونەوەکەی سوودانی و بایدن لە واشنتن و خواستی بایدن بۆ دووبارە هەناردەکردنەوەی نەوتی هەرێمی کوردستان بۆ بەندەری جەیهان - تورکیا، هەنگاوەکانی چارەسەرکردنی کێشەکان خێراتر دەکات.

 

وێنە گەورەکە: دوای ساڵێک لە داخستنی بۆری نەوتی عێراق - تورکیا، ئەو بۆرییەی کە پێشووتر نزیکەی 0.5% دابینکردنی نەوتی جیهانی هەڵگرتبوو، دوای کۆبوونەوەکەی بایدن و سوودانی، خواستی ئەمریکا بۆ دەستپێکردنەوەی هەناردەکردەی نەوتی کوردستان، هەنگاوەکانی بەگەڕخستنەوەی ئەو هێڵە نەوتییە دەستپێدەکرێت.

 

ئەوەی پێویستە بیزانیت: ئەم هەنگاوە لە ڕێگەی هەموارکردنەوەی یاسای نەوت و زیادکردنی  بودجەی تێچووی کۆمپانیاکانی بەرهەمهێنانی نەوت لە هەرێمی کوردستان دەکرێت.

 

ژمارەکان وادەڵێن: لە ماوەی پێشوودا نزیکەی 450 هەزار بەرمیل نەوتی خاو لە هێڵی نەوتی بەندەری جەیهان - تورکیا لە ڕۆژێکدا تێدەپەڕی.

 

زیانە سەرەکییەکان: بەپێی خەمڵاندنەکانی کۆمەڵەی پیشەسازیی نەوتی کوردستان (APIKUR)، داخستنی ئەو بۆرییە بووەتە هۆی ئەوەی عێراق زیانی نزیکەی 11 بۆ 12 ملیار دۆلار بکەوێت.

 

باکگرواند: لە 25-03-2023 بە بڕیاری دادگەی ناوبژیوانی نێودەوڵەتی لە پاریس هەناردەکردنی نەوتی هەرێمی کوردستان بۆ بەندەری جەیهان- تورکیا ڕاگیرا.