نرخی نەوتی بەسرە بەرز دەبێتەوە

ئاڤا نیوز

 

لەگەڵ بەرزبوونەوەی نرخی نەوت لە بازاڕە جیهانییەکان، نرخی نەوتی خاوی قورس و مامناوەندیی بەسرە بەرز بووەوە.

 

ژمارەكان وادەڵێن: نرخی نەوتی خاوی قورسی بەسرە 52 سەنت بەرز بووەوە و گەیشتە 84 دۆلار و 24 سەنت، هەروەها نرخی نەوتی خاوی مامناوەندیی بەسرە 52 سەنت بەرز بووەوە و گەیشتە 87 دۆلار و 44 سەنت.

 

ئەوەی پێویستە بیزانیت: حكومەتی عێراق، بۆ هەناردەكردنی نەوت، پشتی بە كێڵگە نەوتییەكانی بەسرە بەستووە، عێراق ڕۆژانە چوار ملیۆن و 500 هەزار بەرمیل نەوت بەرهەم دەهێنێت، كە زۆربەی لە كێڵگەكانی بەسرەیە و ئەگەریش كێشە تەكنییەكان چارەسەر بكات، دەتوانێت بەرهەمهێنان بۆ دوو هێندە زیاد بكات.

 

بۆچی گرنگە: نەوتی بەسرە كاریگەریی گەورەی لەسەر ئابووریی عێراق هەیە، بە هۆی کوالێتییە بەرزەکەی خواستی زۆری لەسەرە. لە لایەن وەزارەتی نەوتی عێراقیشەوە سەربەخۆ دەفرۆشرێت و تێكەڵ بە نەوتی دیكە ناكرێت، چونکە نرخەکەی جیاوازە.