ئەنتۆنی بلینكن لە سعودیەوە: لێرەم بۆ ئەوەی چارەسەرێک بۆ كێشەكان بدۆزینەوە

ئاڤا نیوز

 

لە سعودیە كۆبوونەوەیەک لەبارەی غەززە بەڕێوە دەچێت، وەزیرانی دەرەوەی وڵاتانی عەرەبی و ئەمریكا و چەند وڵاتێكی دیكە بەشدارن و وەزیری دەرەوەی ئەمریكا دەڵێت، دەبێت چارەسەرێک بۆ كێشەكان بدۆزینەوە.

 

وێنە گەورەكە: بۆ چارەسەركردنی كێشەكانی ڕۆژهەڵاتی ناوەڕاست و بەتایبەت پرسی شەڕ لەنێوان ئیسرائیل و حەماس، وەزیرانی دەرەوەی بەشێک لە وڵاتانی ناوچەكە و ئەمریكا لە ڕیازی پایتەختی سعودیە لە كۆبوونەوەدان و بەدوای میكانیزمێک بۆ چارەسەری كێشەكان دەگەڕێن.

 

لێدوانی فەرمی: ئەنتۆنی بلینكن وەزیری دەرەوەی ئەمریكا لە كۆبوونەوەكەدا گوتی:”پێویستە گرژییەكانی ڕۆژهەڵاتی ناوەڕاست كەم بكرێنەوە، دۆخی دەریای سوور دەبێت ئاسایی بێتەوە".

 

زانیاریی زیاتر: وەزیری دەرەوەی ئەمریكا لەبارەی غەززەوە گوتی: بەرەوپێشچوون و پێشکەوتنی باش هەیە لە پرسی غەززەدا بۆ گەیاندنی هاوكاریی زیاتر بۆ كەرتەكە، وەک نوێنەری ئەمریكا لەم كۆبوونەوەدا بەشداریم كردووە، بۆ ئەوەی چارەسەرێك بۆ كێشەكان بدۆزینەوە.