لە ئیزمیری تورکیا 350 هێکتار زەوی کشتوکاڵی دەسووتێن

ئاڤا نیوز

 

لە دوێنێ شەممەوە زیاتر لە 350 هێکتار زەوی کشتوکاڵی لە ئیزمیر و شارۆچکەکانی دەوروبەری دەسووتێن، تاوەکو ئێستا ئاگری  بەشێک  لە  ناوچەکان کۆنترۆڵ نەکراوە.

 

وێنە گەورەکە: دوێنێ نیوەڕۆ کاتژمێر 12:53 خولەک، لە زەویە کشتوکاڵییەکانی گوندەکانی نێوان یەنیکۆی و مەحدودییە ئاگرێکی گەورە کەوتەوە، بەهۆی تووندی باوە ئاگرەکە زوو تەشەنەی کرد، چەن ماڵێک سووتان، بەهۆی مەترسیی ئاگرەکەوە چەند خانوو و هۆتێلێک چۆڵکراون. 

 

لێدوانی فەرمی: وەزارەتی بەرگریی تورکیا لە ئێکس ڕایگەیاند، هێلیکۆپتەری فریاگوزاری و هێزە سەربازییەکانمان ڕەوانەی شوێنەکە کراون بۆ ئەوە لە ئاسمانەوەی ئاگرەکە کۆنترۆڵ بکەن.

 

زیانە سەرەکییەکان: 350 هێکتار زەویی کشتوکاڵیی ناوچەکە سووتاون، جگە لە دارستانەکانی دەوروبەری کە هێشتا لە چەند شوێنێک دووکەڵی ئاگرەکە ماوە و کۆنترۆڵ نەکراوە.