بەهۆی گەرما لە کەرکووک پشوو ڕاگەیێنرا

ئاڤا نیوز 

 

وێڕای ئەوەی سبەی کۆبوونەوەی ئەنجوومەنی پارێزگای کەرکووک بەڕێوە دەچێت؛ بەڵام کەرکووک بووە 11 ـەمین پارێزگای عێراق، کە بەهۆی بەرزبوونەوەی پلەکانی گەرما پشوو ڕابگەیێنێت.

 

وێنە گەورەکە: بەپێی پێشبێنییەکانی دەستەی کەشناسیی عێراق، لە ڕۆژانی چوارشەممە و پێنجشەممە و ڕۆژانی دواتری پلەکانی گەرما بەرزدەبنەوە، بەشێوەیەک لە چەندین پارێزگا دەگاتە پلەی سەرووی  نیوەی کوڵان، بۆیە کراوەتە پشووی فەرمی.

 

زانیاریی بەدەستهاتوو: ڕۆژی پێنجشەممە 11-07-2024 لە سەرجەم دامودەزگاکانی کەرکووک پشوو دەبێت، بەڵام ئەو پشووە کاریگەری لەسەر کۆبوونەوەی ئەنجوومەنی پارێزگا نابێت.

 

لەلایەکی دیکەوە: بڕیارە سبەی کاتژمێر 01:00ـی دوانیوەڕۆی بەسەرپەرشتیی بەتەمەنترین ئەندام کۆبوونەوەی ئەنجوومەن بەڕێوە بچێت، وەک هەنگاوێک بۆ دەستبەکاربوونی ئەنجوومەنەکە و  کنزیکبوونەوەی زیاتری لایەنەکان.